ആലത്തൂര്‍: രാത്രി നിര്‍ത്തിയിട്ടിരുന്ന ബസ് കത്തി നശിച്ചു. പാടൂര്‍, മണക്കാട് റോഡരികില്‍ നിര്‍ത്തിയിട്ടിരുന്ന ആലത്തൂര്‍ പഴയന്നൂര്‍ റൂട്ടിലോടുന്ന കൃഷ്ണകൃപ ബസാണ് കത്തിയത്. ബസിന്റെ അകവും സീറ്റുകളും കത്തി നശിച്ചു. 3 ലക്ഷത്തോളം രൂപയുടെ നഷ്ടം കണക്കാക്കുന്നു. വെള്ളിയാഴ്ച രാത്രി 1.45ഓടെ അജ്ഞാതര്‍ തീ വെച്ചതാണെന്ന് സൂചനയുണ്ട്. ആലത്തൂര്‍ എസ്.ഐ. എ.പ്രതാപും ഫയര്‍ഫോഴ്‌സും എത്തിയാണ് തീ അണച്ചത്. പാടൂര്‍ മണക്കാട് ജാനകീ നിവാസില്‍ കറുപ്പാണ്ടി മകന്‍ മണിയുടേതാണ് ബസ്. ആലത്തൂര്‍ പൊലിസ് കേസെടുത്തു.