കല്‍പറ്റ: കൈനാട്ടി ബൈപാസ് ജങ്ഷനില്‍ രൂപപ്പെട്ട ഗര്‍ത്തം അഴിമതി വിരുദ്ധ മനുഷ്യാവകാശ ഫോറം ജില്ലാ പ്രസിഡന്റ് സുബൈര്‍ ഓണി വയലിന്റെ നേതൃത്വത്തില്‍ പത്തോളം ലോഡ് കരിങ്കല്‍ കല്ലുകളും സിമന്റ് കട്ടകളും ഉപയോഗിച്ച് നികത്തി. കല്‍പ്പറ്റ സി.ഐ പി.പി ജേക്കബ്, കല്‍പ്പറ്റ നഗരസഭാ സെക്രട്ടറി കെ.ജി രവീന്ദ്രന്‍ എന്നിവരുടെ സഹകരണവും ഉണ്ടായിരുന്നു. രാത്രികാലങ്ങളില്‍ നിരവധി അപകടങ്ങള്‍ ഇവിടെ നടന്നിട്ടുണ്ട്. പല പ്രാവശ്യം മാധ്യമങ്ങളില്‍ വാര്‍ത്ത വന്നെങ്കിലും അധികാരികള്‍ വേണ്ട നടപടിയെടുത്തിട്ടില്ലെന്ന് നാട്ടുകാര്‍ പറഞ്ഞു.