കോഴിക്കോട്: വെളിമണ്ണ ഗവ. മാപ്പിള യു.പി സ്‌കൂള്‍ ഹൈസ്‌കൂള്‍ ആയി ഉയര്‍ത്തണമെന്ന് ആവശ്യപ്പെട്ട് കൈതപ്രം ദാമോദരന്‍ നമ്പൂതിരിയുടെ പിന്തുണ തേടി മുഹമ്മദ് ആസിം അദ്ദേഹത്തിന്റെ വീട്ടിലെത്തി.
ആസിം ഗുരുദക്ഷിണയായി കാലുകൊണ്ട് വൃക്ഷത്തൈ നല്‍കി. വിഷുക്കൈനീട്ടം നല്‍കിയാണ് കൈതപ്രം ആസിമിനെ യാത്രയയച്ചത്. ആസിമിന്റെ ആവശ്യത്തോട് പിന്തുണ അറിയിച്ച കൈതപ്രം ഇക്കാര്യം മുഖ്യമന്ത്രിയുടെ ശ്രദ്ധയില്‍പെടുത്തുമെന്ന് ഉറപ്പു നല്‍കി.
മുന്‍ രാഷ്ട്രപതി ഡോ. എ.പി.ജെ അബ്ദുല്‍ കലാമിന്റെ സഹോദര പുത്രന്‍ ശൈഖ് ദാവൂദും ആസിമിനൊപ്പമുണ്ടായിരുന്നു.
കൈതപ്രത്തെ ശൈഖ് ദാവൂദ് ഷാളണിയിച്ച് ആദരിച്ചു. ആസിമിന്റെ പിതാവ് സഈദ് യമാനിയും കാംപയിന്‍ കമ്മിറ്റി അംഗങ്ങളും സംഘത്തിലുണ്ടായിരുന്നു.