പോത്തന്‍കോട്: നിരവധി മോഷണകേസുകളിലെ പ്രതിയെ അറസ്റ്റു ചെയ്തു. ആനാട് വേട്ടപള്ളി ലക്ഷം വീട്ടില്‍ ഹൌസ് നമ്പര്‍ 16 ല്‍ സുശീല (55) യെയാണ് പോത്തന്‍കോട് സി.ഐ. അറസ്റ്റു ചെയ്തത്.
പോത്തന്‍കോട് നന്നാട്ടുകാവ് ചാത്തന്‍പാട് കല്ലുവെട്ടാന്‍കുഴി പുതുവല്‍ പുത്തന്‍വീട്ടില്‍ ആമിനയുടെ മാലപൊട്ടിച്ച് കടക്കുന്നതിനിടയില്‍ പോത്തന്‍കോട് കെ.എസ്.ആര്‍.ടി.സി.ബസ് ടെര്‍മിനലില്‍ വച്ച് നാട്ടുകാരുടെ സഹായത്തോടെയാണ് പ്രതിയെ അറസ്റ്റു ചെയ്തത്.
ഇവര്‍ക്കെതിരേ ആറ്റിങ്ങല്‍, കഴക്കൂട്ടം, വെഞ്ഞാറമൂട് ,വര്‍ക്കല എന്നീ പൊലിസ് സ്റ്റേഷനുകളില്‍ സമാന കേസുകള്‍ നിലവിലുണ്ട്.
പോത്തന്‍കോട് സി.ഐ. എസ്. ഷാജി, എസ്.ഐ. മാരായ സാജന്‍, രവീന്ദ്രന്‍, എ.എസ്.ഐ.സുനില്‍, അനില്‍, സി.പി.ഒ.മാരായ വിനീഷ്, ആല്‍ബിന്‍, വനിതാ സി.പി.ഒ .സനിത എന്നിവരടങ്ങിയ സംഘമാണ് പ്രതിയെ അറസ്റ്റു ചെയ്തത്. ആറ്റിങ്ങല്‍ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.