കാഞ്ഞങ്ങാട്: മൂവാരിക്കുണ്ടില്‍ സി.പി.എം പ്രവര്‍ത്തകനുനേരെയും വീടിന് നേരെയും ആക്രമണം. കഴിഞ്ഞ ശനിയാഴ്ചയാണ് ആക്രമണമുണ്ടായത്. അക്രമത്തിന് പിന്നില്‍ ബി.ജെ.പിയാണെന്നാണ് ആരോപണം. അക്രമത്തില്‍ സി.പി.എം പ്രവര്‍ത്തകനായ അഷ്ഫാക്കിന് (25) പരുക്കേറ്റു. ബൈക്കില്‍ സഞ്ചരിക്കുകയായിരുന്ന അഷ്ഫാക്കിനെ ആര്‍.എസ്.എസ്-ബി.ജെ.പി പ്രവര്‍ത്തകരായ മൂവാരികുണ്ടിലെ ചട്ടിരാജന്‍, സചിന്‍, സുജേഷ്, ബാവ, കിഷോര്‍ ജീതിന്‍, കല്ലൂരാവിയിലെ കാക്ക സജീത്ത്, കെ.കെ രാഹുല്‍, ബിജു, അപ്പു തുടങ്ങിയ 20 ഓളം പേരടങ്ങിയ സംഘം വഴിയില്‍ തടഞ്ഞുനിര്‍ത്തി അക്രമിച്ചെന്നാണ് പരാതി. ബൈക്കും അക്രമികള്‍ തകര്‍ത്തതായി പരാതിയില്‍ പറയുന്നു.
സി.പി.എം മൂവാരികൂണ്ട് ബ്രാഞ്ച് സെക്രട്ടറി കെ.വി സന്തോഷിന്റെ വീട്ടില്‍ കയറി അതിക്രമം കാണിക്കുകയും ചെയ്തു.