അമേഠി: അടുത്തിടെ തുടങ്ങിയ പണ ക്ഷാമം മോദി സര്‍ക്കാര്‍ ബാങ്കിങ് സംവിധാനത്തെ തകര്‍ക്കുന്നതിന്റെ ഫലമാണെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി.

''രാജ്യത്തെ ബാങ്കിങ് സംവിധാനത്തെ തകര്‍ത്തുവെന്നാണ് എനിക്ക് ഇതേപ്പറ്റി പറയാനുള്ളത്. നോട്ട് നിരോധന കാലത്ത് നമ്മള്‍ ക്യൂനില്‍ക്കാന്‍ നിര്‍ബന്ധിതരായി. നമ്മുടെ കീശയില്‍ നിന്ന് 500-1000 രൂപകളുടെ നോട്ടുകള്‍ തട്ടിപ്പറിച്ചെടുത്ത് നീരവ് മോദിയുടെ കീശയിലിട്ടു''- രാഹുല്‍ വിമര്‍ശിച്ചു.

ഡല്‍ഹി, കര്‍ണാടക, ആന്ധ്രാപ്രദേശ്, രാജസ്ഥാന്‍, ഉത്തര്‍പ്രദേശ്, മധ്യപ്രദേശ്, തെലങ്കാന, മഹാരാഷ്ട്ര, ബിഹാര്‍ തുടങ്ങിയ സംസ്ഥാനങ്ങളില്‍ രൂക്ഷമായ പണ ക്ഷാമം അനുഭവിക്കുകയാണ്. ഇവിടുത്തെ എ.ടി.എമ്മുകളും ബാങ്കുകളും കാലിയാണ്. പ്രശ്‌നം ഉടന്‍ പരിഹരിക്കുമെന്നാണ് ധനമന്ത്രി അരുണ്‍ ജയ്റ്റ്‌ലി പ്രതികരിച്ചത്.