റിയാദ്: യമനിൽ സർക്കാർ സൈന്യവുമായുണ്ടായ ഏറ്റുമുട്ടലിൽ കമാണ്ടർ അടക്കം പതിനേഴു ഹൂതി വിമതർ കൊല്ലപ്പെട്ടതായി യമൻ നാഷണൽ ആർമി അറിയിച്ചു. വടക്കൻ യമനിലെ മസ്ലബ്, ജൗഫ് പ്രവിശ്യയിൽ ചൊവ്വാഴ്ചയാണ് രൂക്ഷമായ സംഘട്ടനം നടന്നത്. സംഘട്ടനത്തിൽ ഹൂതിന് കമാണ്ടർ സാദിഖ് അൽ ഹജ് ബിൻ നാസീഹും കൊല്ലപ്പെട്ടവരിൽ ഉൾപ്പെടും.  രണ്ടു സൈനിക കവചിത വാഹനങ്ങൾ പിടിച്ചെടുക്കുകയും നിരവധി ആയുധങ്ങൾ നശിപ്പിക്കുകയും ചെയ്തിട്ടുണ്ട്.