HOME
DETAILS

പേരാമ്പ്രയില്‍ വ്യാപക റെയ്ഡ്

  
backup
April 20 2018 | 04:04 AM

%e0%b4%aa%e0%b5%87%e0%b4%b0%e0%b4%be%e0%b4%ae%e0%b5%8d%e0%b4%aa%e0%b5%8d%e0%b4%b0%e0%b4%af%e0%b4%bf%e0%b4%b2%e0%b5%8d%e2%80%8d-%e0%b4%b5%e0%b5%8d%e0%b4%af%e0%b4%be%e0%b4%aa%e0%b4%95-%e0%b4%b1%e0%b5%86

 

പേരാമ്പ്ര: സി.പി.എം-ശിവജി സേവാസമിതി പ്രവര്‍ത്തകര്‍ തമ്മില്‍ സംഘര്‍ഷം നിലനില്‍ക്കുന്ന പേരാമ്പ്രയില്‍ പൊലിസ് വ്യാപക റെയ്ഡ് നടത്തി.
കേസില്‍ ഉള്‍പ്പെട്ട പ്രതികളെയും അക്രമത്തിനുപയോഗിക്കുന്ന സ്‌ഫോടകവസ്തുക്കളുടെ സൂക്ഷിപ്പു കേന്ദ്രങ്ങളും കണ്ടെത്തുക എന്ന ലക്ഷ്യത്തോടെയാണ് ഇന്നലെ രാത്രി പൊലിസ് പരിശോധനടത്തിയത്. പേരാമ്പ്ര സി.ഐ സുനില്‍കുമാറിന്റെ നേതൃത്വത്തില്‍ നടന്ന റെയ്ഡില്‍ സമീപ സ്റ്റേഷനുകളില്‍ നിന്നുള്ള ഉദ്യോഗസ്ഥരും പങ്കെടുത്തു.
അതിനിടെ കഴിഞ്ഞ ദിവസങ്ങളില്‍ ബോംബേറ് ഉള്‍പ്പെടെയുള്ള കുറ്റകൃത്യങ്ങളുമായി ബന്ധപ്പെട്ട് പേരാമ്പ്ര സ്റ്റേഷനില്‍ രജിസ്റ്റര്‍ ചെയ്ത കേസിന്റെ ഭാഗമായി നിരവധി പേരെ പൊലിസ് ചോദ്യം ചെയ്തു. രണ്ടു ഘട്ടങ്ങളിലായി നടന്ന ബോംബേറ് സംഭവത്തില്‍ ആറ് കേസുകളും, ശിവജി സേവാസമിതി, സി.പി.എം പ്രവര്‍ത്തകരുടെ പരാതിയില്‍ ഓരോ കേസുകളുമാണ് രജിസ്റ്റര്‍ ചെയ്തത്.
ഈ കേസില്‍ ഒരാള്‍ കഴിഞ്ഞ ദിവസം പിടിയിലായിരുന്നു. ശിവജി സേവാസമിതി പ്രവര്‍ത്തകനായ മഞ്ജുനാഥിന്റെ മോട്ടോര്‍ ബൈക്ക് ബോംബുവച്ച് തകര്‍ക്കപ്പെട്ട സംഭവത്തില്‍ പെരുവണ്ണാമൂഴി സ്റ്റേഷനിലും ഒരു കേസ് രജിസ്റ്റര്‍ ചെയ്തിട്ടുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."