മുതലക്കോടം: കത്വവയില്‍ എട്ടു വയസുകാരിയെ മൃഗീയമായി പീഡിപ്പിച്ചു കൊലപ്പെടുത്തിയതില്‍ പ്രതിഷേധിച്ച് സുന്നി ബാല വേദിയുടെ നേതൃത്വത്തില്‍ പഴേരി അന്‍സാറുല്‍ ഇസ്ലാം മദ്രസയില്‍ പ്രതിഷേധക്കൂട്ടം സംഘടിപ്പിക്കും.
പ്രതിഷേധക്കൂട്ടം പഴേരി മുഹ്‌യദ്ദീന്‍ ജുമാ മസ്ജിദ് ഇമാം മുഹമ്മദ് ഹനീഫ് കാശിഫി ഉദ്ഘാടനം ചെയ്യും. മഹല്ല് പ്രസിഡന്റ് കെ എസ് ഹസ്സന്‍കുട്ടി അധ്യക്ഷത വഹിക്കുന്ന യോഗത്തില്‍ മൈതീന്‍കുട്ടി ഉസ്താദ് പ്രാര്‍ത്ഥന നടത്തും.
തുടര്‍ന്ന് പ്രതിഷേധ ജ്വാല, പ്രമേയ അവതരണം, കത്വ കുട്ടിയെക്കുറിച്ചുള്ള കവിത പാരായണം , ഐക്യദാര്‍ഡ്യ പ്രഭാഷണം എന്നിവക്ക് ബാലവേദി ഭാരവാഹികളായ ആഷിഖ് ലത്തീഫ്, ഫിദ ഫാത്തിമ, ഷറഫിയ, നാസിം നൗഷാദ് എന്നിവര്‍ നേതൃത്വം നല്‍കുമെന്ന് ജമാഅത്ത് ഭാരവാഹികളായ കെ ബി അസീസ് , പി എച്ച് സുധീര്‍ , പി ഇ നൗഷാദ് അറിയിച്ചു.