എടപ്പാള്‍: വാട്‌സ് ആപ് വഴി ഹര്‍ത്താല്‍ ആഹ്വാനം ചെയ്ത് വാഹനങ്ങള്‍ തടയുകയും കടകള്‍അടപ്പിക്കുകയും ചെയ്ത കേസില്‍ചങ്ങരംകുളം പൊലിസ് ഇന്നലെ പതിനൊന്ന് പേരെ അറസ്റ്റ്‌ചെയ്തു. ഇതോടെ കേസില്‍ അറസ്റ്റിലായവരുടെ എണ്ണം പതിനാലായി. ഹര്‍ത്താലിന് നേതൃത്വം നല്‍കുകയും അനുമതിയില്ലാതെപ്രകടനംനടത്തുകയും കടയടപ്പിക്കുന്നതിന് നേതൃത്വം കൊടുക്കുകയും ചെയ്തതിനാണ് അറസ്റ്റ് രേഖപ്പെടുത്തിയിട്ടുള്ളത്.
എന്നാല്‍ കൊല്ലപ്പട്ട പെണ്‍കുട്ടിയുടെ പേര് വെളിപ്പെടുത്തുകയും ചിത്രംപ്രദര്‍ശിപ്പിക്കുകയുംപ്രചരിപ്പിക്കുകയും ചെയ്തവര്‍ക്കെതിരേ പോക്‌സോനിയമ പ്രകാരം കേസെടുക്കുമെന്നും ഹര്‍ത്താല്‍ ദിനത്തില്‍ വിവിധ ഇടങ്ങളില്‍ നിന്നും ശേഖരിച്ചവീഡിയോകളും ഫോട്ടോകളുംപരിശോധിച്ച് വരികയാണെന്നും വരും ദിവസങ്ങളില്‍ കൂടുതല്‍ അറസ്റ്റ് ഉണ്ടാകുമെന്നും ചങ്ങരംകുളംഎസ്.ഐ കെ.ജി ബേബി പറഞ്ഞു. കേസില്‍ കണ്ടാലറിയാവുന്ന നൂറോളം പേര്‍ക്കെതിരെ നേരത്തേ ചങ്ങരംകുളം പൊലിസ് കേസെടുത്തിരുന്നു.