കാബൂള്‍: അഫ്ഗാനിസ്ഥാന്‍ തലസ്ഥാനമായ കാബൂളിലെ തെരഞ്ഞെടുപ്പ് കേന്ദ്രത്തില്‍ സ്‌ഫോടനം. നാലു പേര്‍ കൊല്ലപ്പെട്ടതായാണ് റിപ്പോര്‍ട്ട്. കഴിഞ്ഞ കുറച്ചാഴ്ചകളായി കാബൂളില്‍ നടക്കുന്ന സ്‌ഫോടനങ്ങളുടെ തുടര്‍ച്ചയാണിതെന്നാണ് കരുതുന്നത്. ഇതുവരെ ആരും ഉത്തരവാദിത്തം ഏറ്റെടുത്തിട്ടില്ല.

ചാവേര്‍ പൊട്ടിത്തെറിച്ചാണ് സ്‌ഫോടനമുണ്ടായത്. എന്നാല്‍ ഇതേപ്പറ്റി കൂടുതല്‍ വിവരങ്ങള്‍ ലഭ്യമായിട്ടില്ല. 15 പേര്‍ക്ക് പരുക്കേറ്റിട്ടുണ്ട്.

ഒക്ടോബറില്‍ നടക്കുന്ന പാര്‍ലമെന്റ് തെരഞ്ഞെടുപ്പിന് ഒരുക്കങ്ങള്‍ നടക്കുകയാണ് അഫ്ഗാനിസ്ഥാനില്‍. ഇതിനു വേണ്ടി വോട്ടര്‍ രജിസ്‌ട്രേഷന്‍ ചെയ്യുന്ന കേന്ദ്രത്തിലാണ് സ്‌ഫോടനമുണ്ടായത്.