തിരുവനന്തപുരം: കോവളത്ത് വിദേശവനിത ലിഗ കൊല്ലപ്പെട്ടതു തന്നെയാണെന്ന് കുടുംബം. സാഹചര്യത്തെളിവുകളെല്ലാം അതിലേക്കാണ് വിരല്‍ ചൂണ്ടുന്നത്. അന്വേഷണത്തിനായി പ്രത്യേക സംഘം രൂപീകരിക്കണമെന്ന് സഹോദരി ഇലീസ് ആവശ്യപ്പെട്ടു. മൃതദേഹം കണ്ടെത്തിയ സ്ഥലത്തേക്ക് ലിഗിയ്ക്ക് തനിച്ച് എത്താനാകില്ല. ആരെങ്കിലും ലിഗിയെ ഇവിടെ എത്തിച്ചതാകാം. പൊലിസ് അന്വേഷണം ഫലപ്രദമായില്ലെന്നും അവര്‍ കുറ്റപ്പെടുത്തി.

പൊലിസ് ഗുരുതര വീഴ്ച്ചവരുത്തി. ലിഗിയെ കാണാതായി പത്താം ദിവസമാണ് കേസ് ഗൗരവമായെടുത്തത്. ആദ്യ ദിവസങ്ങളില്‍ കരഞ്ഞു പറഞ്ഞിട്ടും ഔദ്യോഗിക തലത്തില്‍ സഹായം ലഭിച്ചില്ലെന്നും അവര്‍ ആരോപിച്ചു.