തിരുവനന്തപുരം: സംസ്ഥാനത്തെ ആദിവാസി മേഖലകള്‍ക്ക് പട്ടയം നല്‍കാന്‍ സര്‍ക്കാര്‍ അടിയന്തര നടപടികള്‍ സ്വീകരിക്കണമെന്ന് സംസ്ഥാന ആദിവാസി ഏകോപന സമിതി നേതാക്കള്‍ വാര്‍ത്താസമ്മേളനത്തില്‍ ആവശ്യപ്പെട്ടു. തങ്ങളുടെ കൈവശ ഭൂമിയിലെ മരങ്ങള്‍ പോലും മുറിക്കാന്‍ കഴിയുന്നില്ലെന്നും അവര്‍ കുറ്റപ്പെടുത്തി. മണ്ണിന്റെ മക്കള്‍ക്ക് മാത്രം പട്ടയം നല്‍കാന്‍ സര്‍ക്കാര്‍ വിമുഖത കാണിക്കുന്നത് ഖേദകരമാണ്. ആദിവാസികളുടെ ഭൂമിക്ക് പട്ടയം നല്‍കാനുള്ള നിയമം സംസ്ഥാനം നടപ്പാക്കണം. ഇതിനായി മുഖ്യമന്ത്രിക്ക് നിവേദനം നല്‍കുമെന്നും ഭുവനേന്ദ്രന്‍ കാണി, കള്ളിമൂട് ശിവരാമന്‍ തുടങ്ങിയവര്‍ അറിയിച്ചു.