ന്യൂഡല്‍ഹി: ഗൊരഖ്പൂരിലെ ബി.ആര്‍.ഡി മെഡിക്കല്‍ കോളജില്‍ നവജാത ശിശുക്കള്‍ മരിച്ച സംഭവവുമായി ബന്ധപ്പെട്ട് അറസ്റ്റിലായ ഡോ.കഫീല്‍ഖാന് ജാമ്യം. അലഹബാദ് കോടതിയാണ് ജാമ്യം അനുവദിച്ചത്. ബി.ആര്‍.ഡി മെഡിക്കല്‍ കോളജില്‍ ഓക്‌സിജന്‍ ലഭിക്കാതെ 63 നവജാത ശിശുക്കളാണ് മരിച്ചത്.

ഓക്‌സിജന്റെ ലഭ്യതക്കുറവുമൂലമാണ് ബി.ആര്‍.ഡി മെഡിക്കല്‍ കോളജില്‍ നവജാത ശിശുക്കള്‍ മരണപ്പെട്ടത്. ആശുപത്രിയില്‍ ഓക്‌സിജന്‍ സിലിണ്ടറുകള്‍ എത്തിക്കുന്നതിനായി ശ്രമിച്ചത് ഡോ. കഫീല്‍ഖാനായിരുന്നു. ഈ ശ്രമത്തിന്റെ പേരില്‍ മാധ്യമങ്ങളില്‍ ഇദ്ദേഹം ശ്രദ്ധേയനായി. എന്നാല്‍, ഈ സംഭവത്തിന് ശേഷം സര്‍ക്കാര്‍ അദ്ദേഹത്തെ പ്രതികാര നടപടിയുടെ ഭാഗമായി അറസ്റ്റ് ചെയ്യുകയായിരുന്നു. 2017 ആഗസ്റ്റിലാണ് കഫീല്‍ഖാന്‍ അറസ്റ്റിലായത്.