ആറാട്ടുപുഴ: പരിസ്ഥിതി ദിനത്തിന്റെ ഭാഗമായി കടലാക്രമണത്തില്‍ തകര്‍ന്ന ആറാട്ടുപുഴ  റോഡിന്റെ തടസങ്ങള്‍ നീക്കം ചെയ്തു ഒരു പറ്റം വിദ്യാര്‍ഥികള്‍ മാതൃകയായി.
   ആറാട്ടുപുഴ വലിയഴീക്കല്‍ റോഡിലെ ബസ്റ്റാന്റിന് തെക്കുവശം പി.എച്ച്.സി മുതല്‍ എ.കെ.ജി നഗര്‍ വരെയുളള സ്ഥലത്താണ് പൊളിഞ്ഞ് കിടന്ന അവശിഷ്ടങ്ങള്‍ നീക്കം ചെയ്തത്. ശക്തമായ കടലാക്രമണത്തില്‍ ഈ ഭാഗത്തെ റോഡ് പൂര്‍ണ്ണമായും തകര്‍ന്നിരുന്നു.
  പാറക്കഷ്ണവും മറ്റു വേസ്റ്റുകളും റോഡിന്റെ  നടുവില്‍ കൂമ്പാരമായി കിടന്നതിനാല്‍ ജനങ്ങള്‍ക്ക് യാത്രാക്ലേശം അനുഭവപ്പെട്ടിരുന്നു. വിദ്യാര്‍ഥികള്‍ ബുദ്ധിമുട്ടിയാണ് ഇതു വഴി യാത്ര ചെയ്യുന്നത്.