തെല്‍അവീവ്: ഇറാന്റെ ഭാഗത്തുനിന്ന് എന്തെങ്കിലും ആക്രമണമുണ്ടായാല്‍ തങ്ങള്‍ തിരിച്ചടിക്കുമെന്ന് ഇസ്‌റാഈല്‍. ഇസ്‌റാഈല്‍ പ്രതിരോധ മന്ത്രി അവിഗ്‌ദോര്‍ ലീബര്‍മാന്‍ ആണ് മുന്നറിയിപ്പുമായി രംഗത്തെത്തിയത്. ഇറാന്‍ അതിര്‍ത്തിയില്‍ ഇസ്‌റാഈല്‍ സൈനിക നടപടിക്ക് നീക്കം നടത്തുന്നതായുള്ള സൂചനയായാണ് ലീബര്‍മാന്റെ പ്രസ്താവന വിലയിരുത്തപ്പെടുന്നത്.
''ഇസ്‌റാഈല്‍ യുദ്ധം ആഗ്രഹിക്കുന്നില്ല. പക്ഷെ, ഇറാന്‍ ഞങ്ങളെ ആക്രമിച്ചാല്‍ ശക്തമായ തിരിച്ചടി തന്നെ അവര്‍ക്കു നല്‍കും. സിറിയയില്‍ ഇറാന്‍ സൈനികമായി നിലനില്‍ക്കുന്ന ഏതു കേന്ദ്രത്തിനു നേരെയും ആക്രമണമുണ്ടാകും. അതിന് എത്ര വില കൊടുക്കേണ്ടി വന്നാലും പ്രശ്‌നമല്ല.''-ലീബര്‍മാന്‍ കൂട്ടിച്ചേര്‍ത്തു.