ചേരാപുരം: കുടിവെള്ളക്ഷാമം രൂക്ഷമായ സമയത്തും ചേരാപുരത്ത് കുടിവെള്ള വിതരണം നടക്കുന്നില്ലെന്ന് പരാതി. രണ്ടാഴ്ചയായി ചേരാപുരം മേഖലയില്‍ കുടിവെള്ള വിതരണം മുടങ്ങിയിട്ട്. ചെറുകുന്നിലെ കാപ്പുമലയില്‍ നിന്നുള്ള ജലസംഭരണിയില്‍ നിന്നാണ് വാട്ടര്‍ അതോറിറ്റി വേളത്ത് വെള്ളം എത്തിക്കുന്നത്.
വിതരണത്തിനായി സ്ഥാപിച്ച പൈപ്പുകള്‍ പലയിടങ്ങളിലും പൊട്ടുന്നത് ഇവിടെ നിത്യസംഭവമാണ്. അതിനിടെ സ്വകാര്യ കേബിള്‍ കമ്പനി റോഡ് തുരന്ന് കേബിളിട്ടതോടെ പൈപ്പുകള്‍ നിരവധി സ്ഥലങ്ങളില്‍ തകര്‍ന്നു.
ഇവര്‍ക്ക് ഏക ആശ്രയമായിരുന്ന പൈപ്പ് ജലവിതരണം ആഴ്ചകളോളമായി ഇല്ലാതായതോടെ ഇവിടുത്തുകാര്‍ പ്രതിസന്ധിയിലാണ്. പ്രശ്‌നത്തിന് ഉടനടി പരിഹാരം കാണണമെന്നാണ് വിവിധ ഭാഗങ്ങളില്‍ നിന്നുയരുന്ന ആവശ്യം.