കുവൈത്ത് സിറ്റി: ഈ മാസം 11 മുതല്‍ 14 വരെയുള്ള ദിവസങ്ങളില്‍ വിവിധ കാരണങ്ങളാല്‍ കുവൈത്തില്‍ നിന്ന് 497 വിദേശികളെ നാട് കടത്തിയെന്ന് ആഭ്യന്തര മന്ത്രാലയം. റസിഡന്‍സി-തൊഴില്‍ നിയമ ലംഘനങ്ങള്‍ കേസുകളില്‍ അകപ്പെട്ടവരാണ് അധികവും. നടപടിക്രമങ്ങള്‍ എല്ലാം പൂര്‍ത്തീകരിച്ച് നാല് ദിവസം കൊണ്ടാണ് ഇത്രയും പേരെ തിരിച്ചയച്ചത്. ആക്ടിങ് പ്രധാനമന്ത്രിയും പ്രതിരോധ ആഭ്യന്തരമന്ത്രിയുമായ ഷെയ്ഖ് ഫഹദ് യൂസഫ് സൗദ് അല്‍ സബായുടെ നിര്‍ദ്ദേശങ്ങള്‍ക്ക് അനുസൃതമായി, എല്ലാ ഗവര്‍ണറേറ്റുകളിലും റസിഡന്‍സി-തൊഴില്‍ നിയമലംഘനങ്ങള്‍ക്കെതിരെ കടുത്ത നടപടികളാണ് സ്വീകരിച്ച് വരുന്നത്.

ഈ മാസം 11 മുതല്‍ 14 വരെ റസിഡന്‍സി അഫയേഴ്‌സ് ഇന്‍വെസ്റ്റിഗേഷന്‍സ് ജനറല്‍ ഡിപ്പാര്‍ട്ട്‌മെന്റ് നിരവധി സുരക്ഷാ പ്രചാരണങ്ങളും പരിശോധനകളും നടത്തി. നിയമ ലംഘകരായ 385 പ്രവാസികളെയാണ് ഈ ദിവസങ്ങളില്‍ അറസ്റ്റ് ചെയ്തത്. ഇവരെ നാടുകടത്താനുള്ള നടപടികള്‍ സ്വീകരിച്ച് വരുകയാണന്നും അധികൃതര്‍ അറിയിച്ചു. നിയമലംഘകര്‍ക്ക് ഒപ്പം അവരുടെ തൊഴിലുടമകളെയും ഉത്തരവാദികളാക്കാനുള്ള നീക്കം മന്ത്രാലയം ആരംഭിച്ചിട്ടുണ്ട്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Kuwait has deported 497 expats within four days for violating residency laws, highlighting the country's strict immigration policies.