ന്യൂഡല്‍ഹി: യു.പി.എസ്.സി നടത്തിയ 2017 സിവില്‍ സര്‍വിസ് പരീക്ഷാ ഫലം പുറത്തുവന്നു. ഹൈദരാബാദില്‍ നിന്നുള്ള അനുദീപ് ദുരിഷെട്ടിയാണ് ഒന്നാമന്‍.

യു.പി.എസ്.സിയുടെ വെബ്‌സൈറ്റില്‍ ഫലം അറിയാം.

ഇന്ത്യന്‍ അഡ്മിനിസ്‌ട്രേറ്റീവ് സര്‍വിസ്, ഇന്ത്യന്‍ ഫോറിന്‍ സര്‍വിസ്, ഇന്ത്യന്‍ പൊലിസ് സര്‍വിസ്, സെന്‍ട്രല്‍ സര്‍വീസ്, ഗ്രൂപ്പ് എ, ബി എന്നിവയിലേക്ക് 990 പേരെയാണ് ഇപ്രാവശ്യം യു.പി.എസ്.സി ശുപാര്‍ശ ചെയ്തത്. 2017 ഒക്ടോബര്‍ എട്ടിനായിരുന്നു മെയിന്‍ പരീക്ഷ.

16-ാം റാങ്ക് നേടിയ ശിഖ സുരേന്ദ്രന്‍(എറണാകുളം), 26-ാം റാങ്ക് നേടിയ അഞ്ജലി(കോഴിക്കോട്), 28-ാം റാങ്ക് നേടിയ സമീറ എന്നിവരാണ് കേരളത്തില്‍ നിന്ന് പട്ടികയില്‍ മുന്‍നിരയിലുള്ളവര്‍.