കൊച്ചി: കേരളത്തിന്റെ പുതിയ അഡ്വക്കറ്റ് ജനറലായി മുതിര്‍ന്ന അഭിഭാഷകന്‍ അഡ്വ.സി.പി. സുധാകരപ്രസാദ് ചുമതലയേറ്റു. ഹൈക്കോടതി സമുച്ചയത്തിലെ മൂന്നാം നിലയിലുള്ള അഡ്വക്കറ്റ് ജനറലിന്റെ ചേംബറിലെത്തിയാണ് എ.ജി. ചുമതലയേറ്റത്.

സര്‍ക്കാര്‍ നയങ്ങള്‍ക്കനുസരിച്ച് പ്രവര്‍ത്തിക്കുമെന്ന് അദ്ദേഹം വ്യക്തമാക്കി. ഗവ. പ്ലീഡര്‍മാരെ ഒന്നിച്ചു കൊണ്ടുപോകുമെന്നും ലാവ്‌ലിന്‍ കേസില്‍ ഫയല്‍ പഠിച്ച ശേഷം പ്രതികരിക്കാമെന്നും എ.ജി. കൊച്ചിയില്‍ പറഞ്ഞു.