ബെര്‍ലിന്‍ : അന്താരാഷ്ട്ര സൗഹൃദ മത്സരങ്ങളില്‍ വമ്പന്‍മാരായ ജര്‍മനിക്കും ഫ്രാന്‍സിനും ജയം. ജര്‍മനി എതിരില്ലാത്ത രണ്ടു ഗോളിന് ഹംഗറിയെയാണ് വീഴ്ത്തിയത്. തോമസ് മുള്ളര്‍ ടീമിന്റെ രണ്ടാം ഗോള്‍ നേടിയപ്പോള്‍ ആദ്യത്തേത് ഹംഗറി താരം ആദം ലാങിന്റെ സെല്‍ഫ് ഗോളായിരുന്നു.
സ്‌കോട്‌ലന്‍ഡിനെ എതിരില്ലാത്ത മൂന്നു ഗോളിനാണ് ഫ്രാന്‍സ് തകര്‍ത്തത്. ഒലിവര്‍ ജിറൂദ് ഇരട്ട ഗോള്‍ നേടിയപ്പോള്‍ കോസില്‍നി ശേഷിച്ച ഗോള്‍ സ്വന്തമാക്കി. മറ്റു മത്സരങ്ങളില്‍ ഹോളണ്ട് എതിരില്ലാത്ത രണ്ടു ഗോളിന് ഓസ്ട്രിയയെയും ക്രോയേഷ്യ എതിരില്ലാത്ത 10 ഗോളിന് സാന്‍ മരിനോയെയും ആസ്‌ത്രേലിയ എതിരില്ലാത്ത ഒരു ഗോളിന് ഗ്രീസിനെയും ഉക്രൈന്‍ ഒന്നിനെതിരേ മൂന്നു ഗോളുകള്‍ക്ക് അല്‍ബേനിയയേയും പരാജയപ്പെടുത്തി.