മലപ്പുറം: കേരള വനം വകുപ്പിന്റെ കോഴിക്കോട് ഉത്തര മേഖല സാമൂഹിക വനവല്ക്കരണ വിഭാഗം മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലെ തെരഞ്ഞെടുക്കപ്പെടുന്ന പ്രകൃതി പഠന കേന്ദ്രങ്ങളില്‍ നടത്തുന്ന ഏകദിന പ്രകൃതി പഠന ക്യാംപില്‍ പങ്കെടുക്കുന്നതിന് സര്‍ക്കാര്‍ അംഗീകൃത വിദ്യാലയങ്ങള്‍ക്ക് അപേക്ഷിക്കാം. വിദ്യാര്‍ഥികളും അധ്യാപകരും ഉള്‍പ്പെടെ പരമാവധി 40 പേര്‍ അടങ്ങുന്ന പഠന സംഘങ്ങള്‍ക്കാണ് ക്യാംപ് അനുവദിക്കുക. തിരിച്ചുള്ള യാത്രാ ചെലവ് സ്വയം വഹിക്കണം. വിദ്യാര്‍ഥികള്‍ക്കുള്ള ഭക്ഷണം തെരിഞ്ഞെടുക്കപ്പെടുന്ന കേന്ദ്രങ്ങളില്‍ നല്‍കും. വിദ്യാര്‍ഥികളായ പഠനാംഗങ്ങള്‍ക്ക് സര്‍ട്ടിഫിക്കറ്റും വിതരണം ചെയ്യും.
നിര്‍ദിഷ്ഠ ഫോമില്‍ തയാറാക്കിയ അപേക്ഷ 'അസിസ്റ്റന്റ് ഫോറസ്റ്റ് കണ്‍സര്‍വേറ്റര്‍, സോഷ്യല്‍ ഫോറസ്ട്രി എക്സ്റ്റന്‍ഷന്‍ ഡിവിഷന്‍, വനശ്രീ, മാത്തോട്ടം, പോസ്റ്റ് അരക്കിണര്‍, കോഴിക്കോട് 673028 വിലാസത്തില്‍ ജൂണ്‍ 30നകം ലഭിക്കണം. അപേക്ഷാ ഫോമിന്റെ മാതൃകയ്ക്കും നിബന്ധനകള്‍ക്കും ളീൃലേെ.സലൃമഹമ.ഴീ്.ശിളെസീ്വവശസീറലല്‍ ലഭിക്കും. ഫോണ്‍ 0495 2414283, 8547603870, 8547603871.