ചണ്ഡിഗഢ്: ഹരിയാനയിലെ ചണ്ഡിഗഢില്‍ സ്വകാര്യ ബസിലുണ്ടായ സ്‌ഫോടനത്തില്‍ 15ഓളം പേര്‍ക്ക് പരുക്ക്. ചണ്ഡിഗഢില്‍ നിന്ന് 200 കിലോമീറ്റര്‍ അകലെ ഫത്തേബാദ് ജില്ലയിലെ ഭൂനയിലാണ് സ്‌ഫോടനം നടന്നത്. ബസിലുണ്ടായിരുന്ന കറുത്ത ബാഗില്‍ സൂക്ഷിച്ച സ്‌ഫോടക വസ്തുക്കളാണ് പൊട്ടിത്തെറിച്ചത്. പൊലിസും ബോംബ് സ്‌ക്വാഡും ഫോറന്‍സിക് വിദഗ്ധരും സ്ഥലത്തെത്തി പരിശോധന നടത്തി.
സംസ്ഥാനത്ത് ഈ വര്‍ഷം നാലാമത്തെ സമാനസംഭവമാണിത്. സള്‍ഫറാണ് സ്‌ഫോടനത്തിനിടയായ രാസവസ്തുവെന്ന് അധികൃതര്‍ പറഞ്ഞു.