പുല്‍പള്ളി: വിദ്യാഭ്യാസ സാമൂഹിക സാംസ്‌കാരിക രംഗങ്ങളില്‍ വ്യക്തിമുദ്ര പതിപ്പിച്ച സി.കെ രാഘവന്റെ പ്രവര്‍ത്തനങ്ങള്‍ പുതുതലമുറക്ക് മാതൃകയാണെന്ന് ഒ.ആര്‍ കേളു എം.എല്‍.എ പറഞ്ഞു.
ജയശ്രീ ഹയര്‍സെക്കന്‍ഡറി സ്‌കൂളില്‍ നടന്ന 24-ാമത് സി.കെ രാഘവന്‍ അനുസ്മരണ പരിപാടികള്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നിര്‍ധന വിദ്യാര്‍ഥികള്‍ക്ക് പഠനോപകരണവിതരണം, സര്‍വ്വമത പ്രാര്‍ഥന, പുഷ്പാര്‍ച്ചന എന്നിവ ഇതോടനുബന്ധിച്ച് നടത്തി. പി.ടി.എ പ്രസിഡന്റ് ഷാജി പനച്ചിക്കല്‍ അധ്യക്ഷനായി. പനമരം ബ്ലോക് പഞ്ചായത്ത് പ്രസിഡന്റ് ടി.എസ് ദിലീപ് കുമാര്‍, പുല്‍പള്ളി പഞ്ചായത്ത് പ്രസിഡന്റ് ബിന്ദു പ്രകാശ്, ബ്ലോക് പഞ്ചായത്ത് മെംബര്‍ പി.ബി ശിവന്‍, മുള്ളന്‍കൊല്ലി പഞ്ചായത്ത് വൈസ് പ്രസിഡന്റ് ശിവരാമന്‍ പാറക്കുഴി, ഫ്രാന്‍സിസ് കല്‍പ്പറ്റ, കെ.ആര്‍ ജയറാം, പി.കെ റെജി, ഡോ. ജി. ഹരിപ്രകാശ്, കെ. റാണി വര്‍ഗീസ്, കെ.പി ഗോവിന്ദന്‍കുട്ടി, എന്‍.എന്‍ ചന്ദ്രബാബു, പി.ബി ഹരിദാസ്, ഗായത്രി സുരേഷ്, കെ.ആര്‍ ജയരാജ് സംസാരിച്ചു.