അംമ്പാല: നേപ്പാളികളോട് രൂപസാദൃശ്യമുണ്ടെന്നാരോപിച്ച് ഹരിയാന സ്വദേശികളാണ് സഹോദരിമാര്‍ക്ക് പാസ്‌പോര്‍ട്ട് നിഷേധിച്ചതായി പരാതി. സന്തോഷ്, ഹെന്ന എന്നീ പെണ്‍കുട്ടികളാണ് ചണ്ഡീഗഢിലെ പാസ്പോര്‍ട്ട് ഓഫിസ് അധികൃതര്‍ക്കെതിരെ പരാതിയുമായി രംഗത്തെത്തിയത്.

പാസ്പോര്‍ട്ട് ഓഫിസിലെത്തിയപ്പോള്‍, ഞങ്ങളുടെ മുഖം കണ്ട ശേഷം നേപ്പാളികളെ പോലെ തോന്നുന്നുവെന്ന് പാസ്പോര്‍ട്ട് ഓഫീസ് അധികൃതര്‍ രേഖകളില്‍ എഴുതി. ഞങ്ങളോട് പൗരത്വം തെളിയിക്കാനും ആവശ്യപ്പെട്ടു. തുടര്‍ന്ന് ഞങ്ങള്‍ മന്ത്രി അനില്‍ വിജിനെ സമീപിക്കുകയായിരുന്നു- സഹോദരിമാരിലൊരാള്‍ പറഞ്ഞു.

വിഷയം ശ്രദ്ധയില്‍പെടുകയും തുടര്‍ന്ന് പെണ്‍കുട്ടികളെ പാസ്പോര്‍ട്ട് ഓഫിസിലേക്ക് വിളിപ്പിച്ചെന്നും നടപടിക്രമങ്ങള്‍ ആരംഭിച്ചെന്നും അംമ്പാല ഡെപ്യൂട്ടി കമ്മിഷണര്‍ അശോക് ശര്‍മ പറഞ്ഞു.