കൊല്ലം: കേന്ദ്രസര്‍ക്കാര്‍ കൊണ്ടുവന്ന പുതിയ തൊഴില്‍ നിയമം തൊഴിലാളി വിരുദ്ധമാണെന്നും അത് ഉടന്‍ പിന്‍വലിക്കണമെന്നും തയ്യല്‍ തൊഴിലാളി കോണ്‍ഗ്രസ്സ് സംസ്ഥാന പ്രസിഡന്റ് ബാബു അമ്മവീട് ആവശ്യപ്പെട്ടു. തയ്യല്‍ തൊഴിലാളി കോണ്‍ഗ്രസ്സ് കൊല്ലം ജില്ലാ പ്രവര്‍ത്തകസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. മോദി സര്‍ക്കാരിന്റെ തൊഴിലാളി വിരുദ്ധ നടപടിയില്‍ പ്രതിഷേധിച്ച് ജനുവരി 8, 9 തീയതികളില്‍ നടക്കുന്ന പൊതു പണിമുടക്ക് വിജയിപ്പിക്കണമെന്ന് തൊഴിലാളികളോട് അദ്ദേഹം ആവശ്യപ്പെട്ടു.
കരുണാലയം സുകുമാരന്‍ അധ്യക്ഷനായി. സംസ്ഥാന ജില്ലാ നേതാക്കളായ ശ്രീവിദ്യ കൈലാസം, സബീര്‍വവ്വാക്കാവ്, ശുഭാകുമാരി, ശകുന്തള അമ്മവീട്, മൈനാഗപ്പള്ളി രാധാമണി, ലതിക.എസ്, കുശലകുമാരി, മണിയമ്മ, ശ്രീജകുന്നേല്‍, സീനത്ത് ബായി, ഷാജിദാബീഗം, നൂര്‍ജഹാന്‍, വേളൂര്‍ രാധാമണി, ലളിത പ്ലാശ്ശേരില്‍, മിനി വര്‍ഗീസ് സംസാരിച്ചു.  പുതിയ ജില്ലാ കമ്മിറ്റി ഭാരവാഹികളായി സബീര്‍ വവ്വാക്കാവ് (പ്രസി), എസ്. ലതിക, ആന്റണി സക്കറിയ (വൈ.പ്രസി), ശകുന്തള അമ്മവീട് (ജന. സെക്ര), മണിയമ്മാരാജന്‍, രാധാമണി (സെക്ര), വേളൂര്‍ രാധാമണി (ട്രഷറര്‍) എന്നിവരേയും പതിനേഴംഗ എക്‌സിക്യൂട്ടീവ് കമ്മിറ്റിയേയും യോഗം തെരഞ്ഞെടുത്തു.