കാഞ്ഞങ്ങാട്: കാസര്‍ക്കോട് വനിതാ മതിലിനു അണിചേരാനെത്തിയവര്‍ക്കു നേരെ ആര്‍.എസ്.എസ്-ബി.ജെ.പി ആക്രമണം. ചിറ്റാരി പാലത്തിനടുത്ത് ചേറ്റുകുണ്ടിലാണ് സംഭവം. വനിതാ മതിലില്‍ അണിചേരാനെത്തിയ സി.പി.എം പ്രവര്‍ത്തകര്‍ക്കു നേരെയാണ് ആക്രമണം. സി.പി.എം പ്രവര്‍ത്തകര്‍ക്കു നേരെ കല്ലേറ് നടത്തിയ ആക്രമികള്‍ നിരവധി വാഹനങ്ങള്‍ അടിച്ചുതകര്‍ക്കുകയും ചെയ്തു.

സംഘര്‍ഷത്തെ തുടര്‍ന്ന് പൊലിസ് ലാത്തി വീശി. സംഘര്‍ഷത്തെ തുടര്‍ന്ന് സ്ഥലത്ത് മതില്‍ കെട്ടിപ്പടുക്കാന്‍ സ്ത്രീകള്‍ക്ക് കഴിഞ്ഞില്ല. സംഭവം റിപ്പോര്‍ട്ട് ചെയ്യാനെത്തിയ മധ്യമപ്രവര്‍ത്തകര്‍ക്കുനേരെയും ആക്രമണം നടന്നു. 24ന്യൂസ് ചാനലിന്റെയും മനോരമ ന്യൂസ് ചാനലിന്റെയും ക്യാമറകളും വാഹനവും അടിച്ചുതകര്‍ത്തു.