വെട്ടത്തൂര്‍: പഞ്ചായത്തിലെ മുഴുവന്‍ പ്രദേശങ്ങളിലും മഴക്കാലപൂര്‍വ ശുചീകരണ പ്രവൃത്തികള്‍ക്ക് തുടക്കമായി. പഞ്ചായത്തിലെ ആരോഗ്യ പ്രവര്‍ത്തകരുടെയും ആശാവര്‍ക്കര്‍മാരുടെയും നേതൃത്തിലാണ് പ്രവര്‍ത്തനങ്ങള്‍. ആദ്യഘട്ടമായി ബോധവത്കരണം, കൊതുകുകള്‍ വളരുന്ന സ്ഥലങ്ങള്‍ നശിപ്പിക്കല്‍, വിദ്യാഭ്യാസ സ്ഥാപനങ്ങളെ കേന്ദ്രീകരിച്ചു പ്രത്യേക ബോധവത്കരണ ക്ലാസുകള്‍ എന്നിവ സംഘടിപ്പിച്ചു. പരിപാടിയുടെ പഞ്ചായത്ത്തല ഉദ്ഘാടനം പഞ്ചായത്ത് പ്രസിഡന്റ് അന്നമ്മ വള്ളിയാംതടത്തില്‍ നിര്‍വഹിച്ചു. വൈസ് പ്രസിഡന്റ് എം.ഹംസക്കുട്ടി അധ്യക്ഷനായി. സ്ഥിരംസമിതി അംഗങ്ങളായ കെ.റഫീഖ ബഷീര്‍, ഹരീഷ് ബാബു, അജിത നുള്ളൂപ്ര മറ്റു പഞ്ചായത്തംഗങ്ങള്‍ സംസാരിച്ചു.