ഗുരുവായൂര്‍: ഗുരുവായൂരില്‍ ആര്‍.എസ്.എസ്-ബി.ജെ.പി പ്രവര്‍ത്തകരുടെ ആക്രമണത്തില്‍ ടെമ്പിള്‍ സി.ഐ സി. പ്രേമാനന്ദകൃഷ്ണന് ഗുരുതരമായി പരുക്കേറ്റു. യുവതികള്‍ ശബരിമല ദര്‍ശന നടത്തിയതിന് എതിരെ ആര്‍.എസ്.എസുകാര്‍ നടത്തിയ ഹര്‍ത്താലിനിടെ പടിഞ്ഞാറെ നടയില്‍ കടകള്‍ ബലമായി അടപ്പിക്കാന്‍ ശ്രമിക്കുന്നതിനിടെയുണ്ടായ സംഘര്‍ഷം നിയന്ത്രിക്കാനുള്ള ശ്രമത്തിനിടെയാണ് സി.ഐക്ക് നേരെ അക്രമുണ്ടായത്.

രണ്ടു സ്വകാര്യ ബസുകളിലായി പാവറട്ടി മരുതയൂര്‍ മേഖലകളില്‍ നിന്നെത്തിയ സംഘമാണ് സി.ഐയെ ആക്രമിച്ചെതെന്നും ആര്‍.എസ്.എസ് കാര്യാലയത്തില്‍ തമ്പടിച്ചതിനു ശേഷമാണ് പ്രവര്‍ത്തകര്‍ കടകളപ്പിക്കാനെത്തിയതെന്നും പൊലിസ് പറഞ്ഞു.

തലയില്‍ ആഴത്തില്‍ മുറിവേറ്റ സി.ഐയെ മുതുവട്ടൂര്‍ രാജാ ആശുപത്രിയില്‍ പ്രവേശിപ്പിച്ചു. തലയില്‍ നാല് തുന്നലിട്ടു.