ഹരിപ്പാട്: കേരള സര്‍ക്കാരിന്റെ കീഴിലുള്ള എസ്.സി.വി.ടി പാഠ്യപദ്ധതി പ്രകാരം പള്ളിപ്പാട് ഗവ.ഐ.ടി.ഐയില്‍ ഡ്രാഫ്റ്റ്‌സ്മാന്‍ സിവില്‍, സര്‍വ്വേയര്‍ എന്നീ മെട്രിക് ട്രേഡുകളിലേക്ക് ഓഗസ്റ്റില്‍ ആരംഭിക്കുന്ന പരിശീലന സെക്ഷനിലെ പ്രവേശനത്തിന് അപേക്ഷകള്‍ ക്ഷണിക്കുന്നു. അപേക്ഷാ ഫോറവും പ്രോസ്‌പെക്ടസും ഡിഇറ്റി.കേരള.ഗവ.ഇന്‍ എന്ന വെബ്‌സൈറ്റില്‍ ലഭ്യമാണ്. പൂരിപ്പിച്ച അപേക്ഷയോടൊപ്പം 50 രൂപ അപേക്ഷാ ഫീസ്, പ്രായം, വിദ്യാഭ്യാസം, സംവരണം, ഗ്രേസ് മാര്‍ക്കിനുള്ള അര്‍ഹത എന്നിവ തെളിയിക്കുന്നതിനുള്ള സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍, അപേക്ഷകന്റെ മേല്‍ വിലാസവുമെഴുതി അഞ്ച് രൂപയുടെ തപാല്‍ സ്റ്റാമ്പ് പതിപ്പിച്ച കവറും സഹിതം 25ന് വൈകിട്ട് അഞ്ചിന് മുമ്പ് പ്രിന്‍സിപ്പാളിനെ ഏല്‍പ്പിക്കണം.