കൊയിലാണ്ടി (കോഴിക്കോട്): ശബരിമലയില്‍ പ്രവേശിച്ച യുവതികളില്‍ ഒരാളായ കൊയിലാണ്ടിക്കടുത്ത പൊയില്‍ക്കാവ് സ്വദേശിനി ബിന്ദുവിന്റെ വീട്ടിന് പൊലിസ് സംരംക്ഷണം ഏര്‍പ്പെടുത്തി.

ബിന്ദുവിന്റെ ഭര്‍ത്താവ് ഹരിഹരന്റെ ആവശ്യപ്രകാരമാണ് കാവല്‍ ഏര്‍പ്പെടുത്തിയത്. കൊയിലാണ്ടി സര്‍ക്കിള്‍ ഇന്‍സ്‌പെക്ടര്‍ സി.ഐ ഉണ്ണികൃഷ്ണന്റെയും, എസ്.ഐ സജു എബ്രഹാമിന്റെയും നേതൃത്വത്തില്‍ പൊലിസ് ബിന്ദുവിന്റെ വീട് സന്ദര്‍ശിച്ചു.

വീട് അടച്ചിട്ടിരിക്കുകയാണ്. ആഴ്ചകള്‍ക്ക് മുമ്പ് പ്രവേശനശ്രമം നടന്നപ്പോള്‍ ബി.ജെ.പി. പ്രവര്‍ത്തകര്‍ ബിന്ദുവിന്റെ വീടിന് മുന്നില്‍ നാമജപ പ്രതിഷേധം നടത്തിയിരുന്നു.