പാലക്കാട്: ഇടയ്ക്കിടെ സംഘര്‍ഷം പൊട്ടിപ്പുറപ്പെട്ട് പാലക്കാട് നഗരവും ഒറ്റപ്പാലവും. ഹര്‍ത്താലിന് ആഹ്വാനം ചെയ്തവര്‍ പ്രകടനം നടത്തുന്നതിനിടെ വ്യാപകമായ ആക്രമണമാണ് നടത്തിയത്. നിരവധി വാഹനങ്ങള്‍ തകര്‍ത്തു. സി.പി.എം, സി.പി.ഐ ഓഫിസുകള്‍ക്കു നേരെയും ഓഫിസിനു മുന്നില്‍ നിര്‍ത്തിയിട്ടിരുന്ന വാഹനങ്ങള്‍ക്കു നേരെയും കല്ലേറുണ്ടായി.

അയ്യപ്പ കര്‍മസമിതിയുടെ ഹര്‍ത്താലിന്റെ മറവില്‍ ജില്ലയില്‍ ആര്‍.എസ്.എസ് നേതൃത്വത്തില്‍ വ്യാപക ആക്രമണം. എന്‍.ജി.ഒ, ഡി.വൈ.എഫ്.ഐ തുടങ്ങി വിവിധ സംഘടനകളുടെ ജില്ലാ കമ്മിറ്റി ഓഫിസുകള്‍ അക്രമികള്‍ തകര്‍ത്തു.

[caption id="attachment_673902" align="aligncenter" width="630"] സി.പി.ഐ ഓഫിസില്‍ നിർത്തിയിട്ട കാറിന്‍റെ ചില്ല് തകർത്ത നിലയില്‍[/caption]

 

സി.പി.എം ജില്ലാ കമ്മിറ്റിയുടെ കാറിന്റെ ചില്ല് കല്ലേറില്‍ തകര്‍ന്നു. സി.പി.ഐയുടെ ജില്ലാ കമ്മിറ്റി ഓഫീസ് അടിച്ചു തകര്‍ത്തു. വിവിധ ലോക്കല്‍ കമ്മിറ്റി ഓഫിസുകള്‍ക്കു നേരെയും അക്രമമുണ്ടായി. ആക്രമണത്തില്‍ പ്രതിഷേധിച്ച് വൈകീട്ട് 4മണിക്ക് സി.പി.എമ്മിന്റെ നേതൃത്വത്തില്‍ പാലക്കാട് നഗരത്തില്‍ പ്രതിഷേധ പ്രകടനം നടത്തും.

 

വെണ്ണക്കര ഇ.എം.എസ് നഗറിലുള്ള ഇ.എം.എസ് സ്മാരക വായനശാല ആര്‍.എസ്.എസ് പ്രവര്‍ത്തകര്‍ തീയിട്ട് നശിപ്പിച്ചു.

പുതുശ്ശേരി, മരുതറോട് ഗ്രാമ പഞ്ചായത്ത് ഓഫിസുകള്‍ക്കു നേരെയും അക്രമമുണ്ടായി. മുന്നിര്‍ നിര്‍ത്തിയിട്ടിരുന്ന ആംബുലന്‍സ് തല്ലി തകര്‍ത്തു. ഓഫിസിലെ ജനല്‍ ചില്ലുകള്‍ കല്ലെറിഞ്ഞ് തകര്‍ത്തു.

താത്തമംഗലത്തുള്ള കേരള വ്യാപാരി വ്യവസായി ഏകോപന സമിതി ഓഫിസിനു നേരെയും കല്ലേറുണ്ടായി. മുന്‍പിലെ ചില്ലുകള്‍ തകര്‍ന്നു.

---