തിരുവനന്തപുരം: ലഹരിവര്‍ജനത്തിലൂടെ ലഹരിമുക്ത കേരളം എന്ന ലക്ഷ്യം കൈവരിക്കുന്നതിനായി എക്‌സൈസ് വകുപ്പ് സംഘടിപ്പിക്കുന്ന സംസ്ഥാനതല ഒപ്പുശേഖരണ പരിപാടിയും വാഹന പ്രചാരണയാത്രയും ജനുവരി 15ന് കാസര്‍കോട്ട് സമാപിക്കും.
'നാളത്തെ കേരളം ലഹരിമുക്ത നവകേരളം' പ്രമേയത്തിലൂന്നി എക്‌സൈസ് വകുപ്പിനു കീഴില്‍ പ്രവര്‍ത്തിക്കുന്ന ലഹരിവര്‍ജന മിഷനായ വിമുക്തിയാണ് 90ദിന തീവ്രബോധവല്‍ക്കരണ യത്‌നത്തിന്റെ ഭാഗമായി പ്രചാരണയാത്രയ്ക്ക് നേതൃത്വം നല്‍കുന്നത്.
വിവിധ ജില്ലകളിലെ പ്രചാരണ പരിപാടികള്‍ വിജയകരമായി പൂര്‍ത്തിയാക്കിയതിനുശേഷം വിമുക്തി മൊബൈല്‍ യൂനിറ്റ് ഇപ്പോള്‍ വയനാട് ജില്ലയിലാണ്. ഒന്‍പതിന് കണ്ണൂരിലെത്തി മൂന്നു ദിവസം പ്രചാരണ പരിപാടികള്‍ നടത്തി 14ന് കാസര്‍കോട്ടെത്തും. അവിടുത്തെ പ്രചാരണ പരിപാടികള്‍ക്കു ശേഷം യാത്ര 15ന് സമാപിക്കും.