കല്‍പ്പറ്റ: ഗൂഡല്ലായി കുന്നില്‍ ഇറങ്ങിയ പുലിയുടെ ചിത്രം വനംവകുപ്പ് സ്ഥാപിച്ച കാമറയില്‍ പതിഞ്ഞു.
കഴിഞ്ഞ 27ന് രാത്രിയിലാണ് പുലി ആടിന്റെ മാംസം ഭക്ഷിക്കുന്ന ചിത്രം കാമറയില്‍ പതിഞ്ഞത്. 26ന് രാത്രിയില്‍ പുലി ആടിനെ കൊലപ്പെടുത്തിയിരുന്നു.
ജഡാവശിഷ്ടത്തിന് സമീപം സ്ഥാപിച്ച കാമറയിലാണ് ചിത്രം പതിഞ്ഞത്. പ്രദേശത്ത് ഇപ്പോഴും പുലി തമ്പടിച്ചതായാണ് പ്രദേശവാസികള്‍ പറയുന്നത്.
സൈ്വര്യ ജീവിതത്തിന് ഭീഷണിയായ പുലിയെ കെണിവച്ച് പിടികൂടണമെന്നാണ് അവശ്യം. കഴിഞ്ഞ രണ്ടാഴ്ച്ചക്കിടെ പ്രദേശത്ത് നാല് തവണയാണ് നാട്ടുകാര്‍ പുലിയെ കണ്ടത്.
രണ്ട് ആടുകളെ പുലി ആക്രമിക്കുകയും ചെയ്തിരുന്നു. പൂച്ചപ്പുലിയാണെന്നായിരുന്നു വനം വകുപ്പിന്റെ ആദ്യ നിഗമനം.