മുംബൈ: പിടികിട്ടാപ്പുള്ളി ഇജാസ് ലക്ടാവാലയെ മുംബൈ പൊലിസ് അറസ്റ്റ് ചെയ്തു. ബിഹാറിലെ പട്നയില്‍നിന്ന് ബുധനാഴ്ച രാത്രി മുബൈ പൊലിസിന്റെ ആന്റി എസ്റ്റോര്‍ഷന് സെല്ലാണ് ഇജാസിനെ അറസ്റ്റ് ചെയ്തത്. ഇയാളെ കോടതി ഈ മാസം 21 വരെ പൊലിസ് കസ്റ്റഡിയില്‍ വിട്ടു.

കൊലപാതകം, കൊള്ള, കലാപം തുടങ്ങി 25ലേറെ കേസുകളില്‍ പ്രതിയാണ്. മുന്‍പ് അധോലോക നേതാവ് ദാവൂദ് ഇബ്രാഹിമിന്റെ അനുയായിയായിരുന്നു. പിന്നീട് പത്തു വര്‍ഷം മുമ്പാണ് സ്വന്തം അധോലോക സംഘം രൂപീകരിച്ചത്.

വ്യാജരേഖകള്‍ ഉപയോഗിച്ച് സ്വന്തമാക്കിയ പാസ്‌പോര്‍ട്ടുമായി രാജ്യം വിടാന്‍ തുടങ്ങിയ ഇജാസിന്റെ മകളെ ഡിസംബര്‍ 28ന് പൊലിസ് അറസ്റ്റ് ചെയ്തിരുന്നു. ഇവരില്‍നിന്നാണ് ബുധനാഴ്ച ഇജാസ് പട്നയിലെത്തുമെന്ന വിവരം ലഭിച്ചത്. കഴിഞ്ഞ പത്തുവര്‍ഷമായി മലേഷ്യ, യു.എസ്.,നേപ്പാള്‍ തുടങ്ങിയ രാജ്യങ്ങളില്‍ ഒളിവില്‍ കഴിയുകയായിരുന്നു ഇജാസ്.