ജിദ്ദ: വലന്‍സിയയെ തോല്‍പിച്ച് സ്പാനിഷ് സൂപ്പര്‍ കപ്പ് ഫുട്‌ബോളില്‍ റയല്‍ മാഡ്രിഡ് ഫൈനലില്‍. ഒന്നിനെതിരെ മൂന്ന് ഗോളിനാണ് റയലിന്റെ ജയം.
മലയാളികളടക്കം അറുപതിനായിരം പേര്‍ തിങ്ങി നിറഞ്ഞ ജിദ്ദ കിങ് അബ്ദുള്ള സ്‌പോര്‍ട്‌സ് സിറ്റി സ്റ്റേഡിയത്തിലായിരുന്നു മത്സരം. കളി തുടങ്ങി പതിനഞ്ചാം മിനിറ്റില്‍ റയലിന് കോര്‍ണര്‍ ലഭിച്ചു. ടോണി ക്രൂസിന്റെ കാലില്‍ നിന്നും മാരിവില്ലു പോലെ പന്ത് പോസ്റ്റിലേക്ക്. മുപ്പത്തിയൊമ്പതാം മിനിറ്റില്‍ പാസിലൂടെ ലഭിച്ച പന്ത് നെഞ്ചില്‍ വാങ്ങിയ ഇസ്‌കോ റയലിന്റെ രണ്ടാം ഗോള്‍ നേടി. അറുപത്തയഞ്ചാം മിനിറ്റിലെ ലൂക്കാ മോഡ്രിച്ചിന്റെ ഗോളോടെ റയല്‍ കളിയില്‍ സമഗ്രാധിപത്യം നേടി.അവസാന നിമിഷം ലഭിച്ച പെനാൽറ്റി ഗോളാക്കിയതാണ് വലൻസിയയുടെ ആശ്വാസഗോൾ.