പട്ടാമ്പി: ഹര്‍ത്താല്‍ അനുകൂലികള്‍ വാഹനം കടത്തിവിടാത്തതിനാല്‍ മണിക്കൂറുകളോളം മദ്‌റസ അധ്യാപകര്‍ വഴിയില്‍ കുടുങ്ങി. പട്ടാമ്പി പരിസര പ്രദേശങ്ങളില്‍ ജോലിചെയ്യുന്ന അധ്യാപകരാണ് പെരുവഴിയിലായത്. വ്യാഴാഴ്ച ദിവസങ്ങളില്‍ വീട്ടില്‍പോകുന്ന അധ്യാപകര്‍ മദ്‌റസയില്‍ നടക്കുന്ന പരീക്ഷകള്‍ കഴിഞ്ഞായിരുന്നു വീട്ടിലേക്ക് മടങ്ങുന്നതിനിടെയാണ് ഹര്‍ത്താല്‍ അനുകൂലികള്‍ തടഞ്ഞത്. പട്ടാമ്പിയില്‍ ഇരുചക്ര വാഹനയാത്രികരെ തീരെ കടത്തിവിട്ടിരുന്നില്ല. പെരിന്തല്‍മണ്ണ, തിരൂര്‍, പുലാമന്തോള്‍, വളാഞ്ചേരി ഭാഗങ്ങളില്‍ താമസിക്കുന്ന അധ്യാപകര്‍ വൈകിട്ടോടെയാണ് വീട്ടിലെത്തിയത്.