കണ്ണൂര്‍: കണ്ണൂര്‍ പാലത്തായിയില്‍ നാലാം ക്ലാസുകാരിയെ പീഡിപ്പിച്ച കേസില്‍ ബി.ജെ.പി നേതാവ് കെ പത്മരാജന് സര്‍ക്കാര്‍ പരോള്‍ അനുവദിച്ചു. ജയില്‍ സൂപ്രണ്ട് നല്‍കിയ അടിയന്തര പരോളിന് പുറമെയാണിത്. സഹോദരി യുടെ മരണത്തെ തുടര്‍ന്ന് പത്മരാജന് അടിയന്തര പരോള്‍ അനുവദിച്ചിരുന്നു. ഈമാസം 3 ന് ആണ് പത്മരാജന്‍ പുറത്തിറങ്ങിയത്. ഈ പരോളാണ് മാര്‍ച്ച് മൂന്ന് വരെ സര്‍ക്കാരും ജയില്‍ മേധാവിയും ചേര്‍ന്ന് നീട്ടി നല്‍കിയത്. ബലാത്സംഗ കേസുകളില്‍ നീണ്ട പരോള്‍ അനുവദിക്കാറില്ല. കേസില്‍ ശിക്ഷ വിധിച്ച് മൂന്ന് മാസത്തിനിടെയാണ് പ്രതിക്ക് പരോള്‍ ലഭിച്ചത്. 

ALSO READ: പട്ടാമ്പി താലൂക്ക് ആശുപത്രിയിൽ ചികിത്സാ പിഴവെന്ന് പരാതി; ഒൻപത് മാസം ഗർഭിണിയായ യുവതി മരിച്ചു

തലശ്ശേരി അതിവേഗ കോടതിയാണ് പത്മരാജനെതിരെ ശിക്ഷ വിധിച്ചത്. നാലാം ക്ലാസുകാരിയായ 10 വയസ്സുകാരിയെ സ്‌കൂളിലെ ശുചിമുറിയില്‍ വെച്ച് മൂന്ന് ദിവസങ്ങളിലായി ലൈംഗികമായി പീഡിപ്പിച്ച കേസിലാണ് വിധി. വിദ്യാര്‍ത്ഥിനിക്ക് സംരക്ഷകനാകേണ്ട അധ്യാപകന്‍ നടത്തിയ ക്രൂരകൃത്യത്തിന് കഠിനമായ ശിക്ഷയാണ് കോടതി വിധിച്ചത്. പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചതിന് ഇന്ത്യന്‍ ശിക്ഷാ നിയമത്തിലെ വകുപ്പുകള്‍ പ്രകാരം മരണം വരെ ജീവപര്യന്തം തടവ് ശിക്ഷിച്ചു. 12 വയസ്സില്‍ താഴെയുള്ള കുട്ടിയെ സ്‌കൂളില്‍ വെച്ച് പീഡിപ്പിച്ചതിന് പോക്സോ നിയമത്തിലെ രണ്ട് വകുപ്പുകള്‍ ചേര്‍ത്താണ് 40 വര്‍ഷം തടവ് ശിക്ഷ വിധിച്ചത്. കൂടാതെ, രണ്ട് ലക്ഷം രൂപ പിഴയും ഒടുക്കണം.

In the Palathayi child sexual abuse case, BJP leader K. Padmarajan has been granted an extension of parole by the Kerala government. The extension comes after he was earlier released on emergency parole following the death of his sister.