മൂന്നാര്‍: കൈയ്യേറ്റം ഒഴിപ്പിച്ചതിന് റവന്യൂ ഉദ്യോഗസ്ഥരെ ഭീഷണിപ്പെടുത്തി ഇടുക്കി ദേവികുളം എം.എല്‍.എ എ.രാജ. ഉദ്യോഗസ്ഥര്‍ മര്യാദയ്ക്ക് നിന്നില്ലെങ്കില്‍ കൈയ്യും കാലും തല്ലിയൊടിക്കുമെന്നായിരുന്നു ഭീഷണി. നിയമം നോക്കിയാല്‍ നാട്ടില്‍ കെട്ടിടങ്ങള്‍ ഉയരില്ലെന്നും അദ്ദേഹം പറഞ്ഞു. മൂന്നാര്‍ സ്‌പെഷ്യല്‍ തഹസില്‍ദാര്‍ സി. ഗായത്രിയെയാണ് എം.എല്‍.എ ഭീഷണിപ്പെടുത്തിയത്. എന്നാല്‍ നിയമപരമായി മാത്രം മുന്നോട്ടു പോകുമെന്നായിരുന്നു തഹസില്‍ദാറുടെ മറുപടി. 

അതേസമയം, ബുള്‍ഡോസര്‍ ഉപയോഗിച്ച് കെട്ടിടം ഇടിച്ചു തകര്‍ക്കുമെന്ന് കൈക്കൂലി വാങ്ങി സാധാരണക്കാരെ ഉദ്യോഗസ്ഥര്‍ ഭീഷണിപ്പെടുത്തുന്ന സാഹചര്യത്തിലാണ് ഇത്തരത്തില്‍ പ്രകോപിതനായി സംസാരിക്കേണ്ടിവന്നതെന്ന് എം.എല്‍.എ പറയുന്നു. എന്നാല്‍ ആരാണ് കൈക്കൂലി വാങ്ങിയതെന്ന ചോദ്യത്തിന് എം.എല്‍.എ മറുപടി നല്‍കിയിട്ടില്ല. 

ALSO READ: കോണ്‍ഗ്രസിന് ജനങ്ങള്‍ റീത്ത് വെക്കുമെന്ന് വീണാ ജോര്‍ജ്; റീത്ത് വെക്കലും മന്ത്രിമാരുടെ വീട്ടില്‍ കയറുന്നതും ഞങ്ങളുടെ രീതിയല്ലെന്ന് വി.ഡി സതീശന്‍

കെട്ടിടനിര്‍മാണത്തിന് എന്‍.ഒ.സി. നല്‍കാത്തതിനെതിരേ എ. രാജയുടെ നേതൃത്വത്തില്‍ ദേവികുളം താലൂക്ക് ഓഫിസിന് മുന്നില്‍ കഴിഞ്ഞ ദിവസം ധര്‍ണ നടത്തിയിരുന്നു. മേഖലയിലെ പട്ടയഭൂമിയില്‍ വീട് നിര്‍മാണത്തിന് ഉള്‍പ്പെടെ എന്‍.ഒ.സി. നല്‍കാത്തതിനെതിരേയായിരുന്നു ധര്‍ണ. 

സംസ്ഥാനത്തെ മറ്റ് പ്രദേശങ്ങളില്‍ പഞ്ചായത്ത് പെര്‍മിറ്റ് ഉപയോഗിച്ച് വീട് നിര്‍മിക്കാന്‍ കഴിയും. എന്നാല്‍, മൂന്നാര്‍ അടക്കമുള്ള 13 വില്ലേജുകളില്‍ കെട്ടിടങ്ങള്‍ നിര്‍മ്മിക്കണമെങ്കില്‍ തഹസില്‍ദാരില്‍ നിന്നോ സബ് കലക്ടറില്‍ നിന്നോ എന്‍.ഒ.സി. നേടേണ്ടതായിട്ടുണ്ട്. കഴിഞ്ഞ എട്ടുമാസമായി ഈ മേഖലയില്‍ എന്‍.ഒ.സി. അനുവദിച്ച് നല്‍കുന്നില്ല. ലൈഫ് മിഷന്‍ പദ്ധതി വഴി വീട് ലഭിച്ചവര്‍ക്കും എന്‍.ഒ.സി. ലഭിക്കുന്നില്ലെന്നും എം.എല്‍.എ. ആരോപിച്ചു.

A controversy has erupted in Munnar after Devikulam MLA A. Raja allegedly threatened revenue officials, including Special Tahsildar C. Gayathri, during an eviction-related dispute. The MLA reportedly warned that officials’ “hands and legs would be broken” if they did not cooperate and remarked that if laws were strictly followed, no buildings would come up in the area.