മാന്നാര്‍: നദികളേയും ജലസ്രോതസുകളേയും സംരക്ഷിക്കുക എന്ന സന്ദേശമുയര്‍ത്തിക്കൊണ്ട് കുരട്ടിക്കാട് കെ.ഏര്‍.സി വായനശാലയുടെ ആഭിമുഖ്യത്തില്‍ ജനകീയ കൂട്ടായ്മയും പ്രക്യതി സംരക്ഷണ പ്രതിജ്ഞയും നടന്നു.
ആലപ്പുഴ- പത്തനംതിട്ട ജില്ലകളുടെ പ്രധാന സ്രോതസ്സായ പമ്പാ നദിയെ മാലിന്യ മുക്തമാക്കുവാന്‍ കഴിഞ്ഞ ഒരു മാസത്തിനിടയില്‍ ഇരു ജില്ലകളിലേയും പൊതുജനങ്ങളില്‍ നിന്നും ഒപ്പ് ശേഖരിച്ച് ജനപ്രതിനിധികള്‍ക്ക് ഭീമ ഹര്‍ജി നല്‍കുവാനുള്ള പരിപാടിയുടെ സമാപ്തി കുറിച്ചുകൊണ്ടു നടന്ന ജനകീയ കൂട്ടായ്മ കെ.കെ.രാമചന്ദ്രന്‍ നായര്‍ എം.എല്‍.എ ഉദ്ഘാടനം ചെയ്തു.
കെ.ആര്‍.സി പ്രസിഡന്റ് സലീം പടിപ്പുരയ്ക്കല്‍ അധ്യക്ഷത വഹിച്ചു.ഫാ. കുര്യാക്കോസ്, സ്വാമി ഗീതാനന്ദ, എം.എ. മാഹമ്മദ് ഫൈസി എന്നിവര്‍ അനുഗ്രഹ പ്രഭാഷണം നടത്തി. ആലപ്പുഴ ജില്ലാ പഞ്ചായത്തംഗം ജോജിചെറിയാന്‍, പത്തനംതിട്ട ജില്ലാ പഞ്ചായത്തംഗം സാം ഈപ്പന്‍, കടപ്ര പഞ്ചായത്ത് പ്രസിഡന്റ് ഷിബു വര്‍ഗീസ്, മാവേലിക്കര ബ്ലോക്ക് പഞ്ചായത്തംഗം ശശികലാ രഘുനാഥ്, പുളിക്കീഴ് പഞ്ചായത്തംഗം അംബികാ മോഹന്‍, എന്നിവര്‍ പ്രസംഗിച്ചു.