ഇരിട്ടി: പെരുംപറമ്പില്‍ സി.പി.എം പ്രവര്‍ത്തകന് വെട്ടേറ്റു. യു.പി സ്‌കൂളിനു സമീപത്തെ അളപ്ര റോഡിലെ വി.കെ വിശാഖിനാണ് (28) വെട്ടേറ്റത്. തലക്കും കൈക്കും പരുക്കേറ്റ ഇയാളെ കണ്ണൂര്‍ എ.കെ.ജി ആശുപത്രിയില്‍ പ്രവേശിപ്പിച്ചു.
ഇന്നലെ രാത്രി 10.30ഓടെ കടയില്‍നിന്ന് സാധനം വാങ്ങി വീട്ടിലേക്കു പോകവെ രണ്ടു കാറുകളിലെത്തിയ പത്തോളം പേരാണ് ആക്രമിച്ചതെന്ന് പൊലിസ് പറഞ്ഞു. കഴിഞ്ഞദിവസം ഇവിടെയുണ്ടായ സി.പി.എം-ബിജെപി സംഘര്‍ഷത്തില്‍ ഇരുവിഭാഗത്തിലുംപ്പെട്ടവര്‍ക്കു പരുക്കേറ്റിരുന്നു. ഇതിന്റെ തുടര്‍ച്ചയായാണ് അക്രമമെന്നു കരുതുന്നു. ഇരിട്ടി പൊലിസ് സ്ഥലത്തെത്തി.