ചാപ്പനങ്ങാടി: എസ്.കെ.എസ്.എസ്.എഫ് സംസ്ഥാന കമ്മിറ്റി ജനുവരിയില്‍ ക്ലസ്റ്റര്‍ തലങ്ങളില്‍ സംഘടിപ്പിക്കുന്ന സിമ്പിയോസിസ് ടീന്‍ ഹബ്ബുകള്‍ക്ക് തുടക്കമായി.
ചാപ്പനങ്ങാടി സിറാജ് ഓഡിറ്റോറിയത്തില്‍ നടന്ന സംസ്ഥാന തല ഉദ്ഘാടനം പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു. സയ്യിദ് ഫഖ്‌റുദ്ധീന്‍ ഹസനി തങ്ങള്‍ കണ്ണന്തളി അധ്യക്ഷനായി. സത്താര്‍ പന്തലൂര്‍ മുഖ്യപ്രഭാഷണം നടത്തി. 'ബി.എ ഹീറോ നോട്ട് സീറോ, ആന്‍ഡ് ഐഡിയല്‍ സ്റ്റുഡന്റ് 'എന്ന വിഷയത്തില്‍ പ്രൊഫ. ഖമറുദ്ദീന്‍ പരപ്പില്‍, ആസിഫ് ദാരിമി പുളിക്കല്‍ എന്നിവര്‍ വിഷയമവതരിപ്പിച്ചു.

ശാഫി മാസ്റ്റര്‍ ആട്ടീരി, എ.പി അബ്ദുല്‍ കരീം ഫൈസി, പി.പി മുഹമ്മദ് ഹാജി, മുസ്തഫ വള്ളുക്കുന്നന്‍ സംസാരിച്ചു. ഡോ. കെ.ടി ജാബിര്‍ ഹുദവി സ്വാഗതവും, പി.എം ശംസുദ്ദീന്‍ നന്ദിയും പറഞ്ഞു. സംഘടനയുടെ മേഖലാ കമ്മിറ്റിയുടെ മേല്‍നോട്ടത്തില്‍ എല്ലാ ക്ലസ്റ്റര്‍ തലങ്ങളിലും നടക്കുന്ന പരിപാടിയുടെ ഒന്നാംഘട്ടം ഈ മാസം 30ന് സമാപിക്കും. തുടര്‍ന്ന് ക്ലസ്റ്റര്‍ തലങ്ങളില്‍ തിരഞ്ഞെടുക്കപ്പെടുന്നവരുടെ നേതൃത്വത്തില്‍ ഹയര്‍ സെക്കന്‍ഡറി വിങിന്റെ പ്രവര്‍ത്തനങ്ങള്‍ നടക്കും.