തിരുവനന്തപുരം: അക്രമ രാഷ്ട്രീയത്തിനെതിരേ ജനുവരി 12ന് സ്വാമി വിവേകാനന്ദന്റെ പ്രതിമയ്ക്ക് മുന്നില്‍ യു.ഡി.എഫ് ഉപവാസം നടത്തുമെന്ന് യു.ഡി.എഫ് കണ്‍വീനര്‍ ബെന്നി ബെഹന്നാന്‍ വാര്‍ത്താസമ്മേളനത്തില്‍ പറഞ്ഞു. ജനുവരി 23ന് സെക്രട്ടേറിയറ്റും ജില്ലാ കലക്ടറേറ്റുകളും യു.ഡി.എഫ് ഉപരോധിക്കും. ക്രമസമാധാന തകര്‍ച്ച, ഭരണസ്തംഭനം, വിശ്വാസത്തിനെതിരേയുള്ള കടന്നാക്രമണം എന്നീ കാര്യങ്ങളില്‍ പ്രതിഷേധിച്ചാണ് സമരം. പ്രളയത്തില്‍ മുങ്ങിപ്പോയ കേരളത്തെ രക്ഷിക്കുന്നതിനായി ഒരു നടപടിയും സര്‍ക്കാര്‍ സ്വീകരിക്കുന്നില്ലെന്നും ബെന്നി ബെഹന്നാന്‍ കുറ്റപ്പെടുത്തി.