ബംഗളൂരു: കളിയിക്കാവിളയില്‍ പൊലിസുകാരന്റെ കൊലപാതകത്തിന്റെ മുഖ്യസൂത്രധാരനെന്നു പൊലിസ് സംശയിക്കുന്ന അല്‍ ഉമ്മ നേതാവ് മെഹബൂബ് പാഷ അറസ്റ്റില്‍. ഇയാള്‍ക്കൊപ്പം മൂന്ന് കൂട്ടാളികളെയും ബെംഗളൂരു പൊലിസ് അറസ്റ്റ് ചെയ്തിട്ടുണ്ട്. കളിയിക്കാവിള കേസിലുള്‍പെട്ടവരടങ്ങുന്ന അല്‍ ഉമ്മയുടെ പതിനേഴംഗ സംഘത്തെ നയിച്ചത് മെഹബൂബ് പാഷയാണെന്നാണ് പൊലീസ് പറയുന്നത്. ബെംഗളൂരു ഗുരപ്പനപ്പാളയയില്‍ നിന്നാണ് മഹബൂബ് പാഷ പിടിയിലായത്. ഇയാളുടെ സംഘത്തില്‍പെട്ട ജബിയുള്ള, മന്‍സൂര്‍ ഖാന്‍, അജ്മത്തുളള എന്നിവരും അറസ്റ്റിലായി.
പ്രത്യേക എന്‍.ഐ.എ കോടതി ഇവരെ പത്ത് ദിവസത്തെ പൊലീസ് കസ്റ്റഡിയില്‍ വിട്ടു.