റിയാദ്: മൂന്നു പതിറ്റാണ്ടിലധികമായി പ്രവാസ ജീവിതം നയിച്ച്‌ ഒടുവിൽ പ്രവാസ ജീവിതം അവസാനിപ്പിച്ച് നാട്ടിലേക്ക് തിരിക്കുന്ന കെഎംസിസി ഹോത്താ ബനീ തമീം കമ്മിറ്റി പ്രസിഡണ്ടും കാരണവരുമായ അബ്ദുറഹിമാൻ സാഹിബ് പുത്തനത്താണിക്ക് സഹപ്രവർത്തകർ യാത്രയയപ്പ് നൽകി.

കെ എ ഷറഫുദ്ധീൻ ചേളാരി അദ്ധ്യക്ഷത വഹിച്ചു. 33 വർഷങ്ങൾക്ക് മുമ്പാണ് അബ്‌ദുറഹ്‌മാൻ പ്രവാസ ലോകത്തേക്ക് കാലെടുത്ത് വെച്ചത്. മുൻ പ്രസിഡണ്ട് മുഹമ്മദലി മുസ്‌ലിയാരങ്ങാടി ഉപഹാരം നൽകി. സാജിദ് കെ ഉളിയിൽ, റിയാസ് വള്ളക്കടവ് സംസാരിച്ചു. ഫൈസൽ തിരൂർ, അബ്ദുൽ മജീദ് കോട്ടക്കൽ, റാഷിദ് അഞ്ചാം പീടിക, മുഹമ്മദലി പെരിന്തൽമണ്ണ എന്നിവർ നേതൃത്വം നൽകി. സിക്രട്ടറി അബ്‌ദുല്ല വെള്ളമുണ്ട സ്വാഗതവും ട്രഷറർ സിറാജുദ്ധീൻ മുക്കം നന്ദിയും പറഞ്ഞു