ജിദ്ദ: ദക്ഷിണേന്ത്യയിലെ പ്രമുഖ ഇസ്ലാമിക കലാലയമായ പട്ടിക്കാട് ജാമിഅഃ നൂരിയ അറബിക്കോളജിന്റെ 57ാം വാര്‍ഷിക 55ാം സനദ്‌ദാന സമ്മേളനത്തിന് ജാമിഅ: പൂര്‍വ്വ വിദ്യാര്‍ഥി സംഘടനയായ ഓസ്‌ഫോജ്‌ന ജിദ്ദ ചാപ്റ്ററിന്റെ ആഭിമുഖ്യത്തില്‍ ഐക്യ ദാര്‍ഢ്യ സമ്മേളനം സംഘടിപ്പിച്ചു.
ഷറഫിയ്യ ദാറുസ്സലാം ഓഡിറ്റോറിയത്തില്‍ നടന്ന സമ്മേളനം സമസ്ത ഇസ്ലാമിക് സെന്റർ സഊദി നാഷണല്‍ കമ്മിറ്റി പ്രസിഡന്റ് സയ്യിദ് ഉബൈദുല്ല തങ്ങള്‍ മേലേറ്റുര്‍ ഉത്ഘാടനം ചെയ്തു.ഹംസ ഫൈസി പടിക്കല്‍ മുഖ്യ പ്രഭാഷണം നടത്തി. ഖത്തര്‍ 'ഇബാദ്' സാരഥി സുബൈര്‍ ഫൈസി കട്ടുപ്പാറ മുഖ്യാതിഥിയായി പങ്കെടുത്തു. ഓസ്‌ഫോജ്‌ന ജിദ്ദ ചാപ്റ്റര്‍ പ്രസിഡന്റ് മൊയ്‌ദീന്‍ കുട്ടി ഫൈസി പന്തല്ലൂര്‍ അധ്യക്ഷത വഹിച്ചു.സയ്യിദ് അന്‍വര്‍ തങ്ങള്‍, സയ്യിദ് സൈനുല്‍ ആബിദീന്‍ തങ്ങള്‍, മുസ്തഫ ബാഖവി ഊരകം, പി. എം.എ.ഗഫൂര്‍ പട്ടിക്കാട്, ജാഫര്‍ ഫൈസി കാളാവ്, ഹംസ ഫൈസി പറമ്പില്‍പീടിക ,അബ്ദുറഹ്‍മാന്‍ ഫൈസി മുതുവല്ലൂര്‍, എന്‍.പി. അബൂബക്കര്‍ ഹാജി, ഉസ്മാന്‍ എടത്തില്‍ തുടങ്ങിയവര്‍ പ്രസംഗം നടത്തി. സഗീറലി ഫൈസി മങ്കട ഖിറാഅത് നടത്തി. അന്‍വര്‍ ഫൈസി കാഞ്ഞീരപ്പുഴ സ്വാഗതവും സൈനുദ്ധീന്‍ ഫൈസി പൊന്മള നന്ദിയും പറഞ്ഞു.