കോട്ടയം: എന്‍.സി.പി 17-ാം ജന്മദിനം കോട്ടയം ജില്ലാ കമ്മിറ്റിയുടെ ആഭിമുഖ്യത്തില്‍ ഒരാഴ്ച നീണ്ടു നില്‍ക്കുന്ന വിവിധ ആഘോഷ പരിപാടികള്‍ക്ക് കോട്ടയത്ത് തുടക്കം കൂറിച്ചു. സംസ്ഥാന ജനറല്‍ സെക്രട്ടറി പി.കെ.ആനന്ദക്കുട്ടന്‍ പി.ഡബ്ല്യു.ഡി റെസ്റ്റ്ഹൗസ് അങ്കണത്തില്‍ വൃക്ഷ തൈ നട്ടും കേക്ക് മുറിച്ചും ഉദ്ഘാടനം ചെയ്തു. ജില്ലയില്‍ 75 കേന്ദ്രങ്ങളില്‍ പതാക ഉയര്‍ത്തി മധുര പലഹാരങ്ങള്‍ വിതരണം ചെയ്തു. 'രാജ്യത്ത് വര്‍ഗ്ഗീയത ഉയര്‍ത്തുന്ന വെല്ലുവിളികള്‍, പരിസ്ഥിതി സംരക്ഷണം ഇന്നിന്റെ പ്രസക്തി' എന്നി വിഷയങ്ങള്‍ ഉയര്‍ത്തി ബോധവല്‍ക്കരണം സെമിനാറുകള്‍ സംഘടിപ്പിക്കുവാന്‍ തീരുമാനിച്ചു. ഇതോടനുബന്ധിച്ച് നടന്ന യോഗത്തില്‍ ജില്ലാ പ്രസിഡന്റ് റ്റി.വി.ബേബി അധ്യക്ഷനായി. അഡ്വ.ഐക്ക് മാണി, ബാബുകപ്പക്കാല, സാജു.എം.ഫിലിപ്പ്, സതീഷ് കല്ലംക്കുളം, പ്രസാദ് പി.ആര്‍, ജോയി ഉപ്പാണി, ഷാജി മറ്റത്തില്‍, രഞ്ചനാഥ് കോടിമത, ടോണി കുമരകം, കെ.ആര്‍.ഷിബു, ബിജോയ് പ്ലാത്താനം, സുജിത്ത് ജോര്‍ജ്, ടെന്നി ആര്‍.നായര്‍ സംസാരിച്ചു.