ഫാമിദ കെ.എം#

ന്യൂജന്‍ ആകുമ്പോള്‍ കല്യാണങ്ങളും പണ്ടത്തേതുപോലെയാകാന്‍ പാടില്ലല്ലോ. അതിനും വേണ്ടേ പുതുമ. അതിന് പുതിയ തലമുറ കാട്ടിക്കൂട്ടുന്ന നമ്പരുകള്‍ നിറയുകയാണ് ഇന്‍സ്റ്റാഗ്രാമിലും ടിക് ടോകിലുമൊക്കെ.
കല്യാണത്തിന് ഒരാഴ്ചയോളം നീളുന്ന കളര്‍ഫുള്‍ പരിപാടികളാണ് അണിയിച്ചൊരുക്കുന്നത്. ഒരുമാസത്തോളം കല്യാണ ആഘോഷങ്ങള്‍ക്കായി മാറ്റിവയ്ക്കുന്നവര്‍ വരെയുണ്ട്.
കല്യാണം ഉറപ്പിച്ച് കാര്യങ്ങളിലേക്ക് കടന്നുകഴിഞ്ഞാല്‍ കട്ട സപ്പോര്‍ട്ടുമായി കൂട്ടുകാരും നാട്ടുകാരും വീട്ടുകാര്‍ക്കൊപ്പം കൂടുന്നതാണ് ഇപ്പോഴത്തെ രീതി
ബ്രൈഡല്‍, ഷോവര്‍, ഹല്‍ദി (മഞ്ഞള്‍ കല്യാണം), മെഹന്തി നൈറ്റ് അങ്ങനെ നീളുന്നു കല്യാണം കളര്‍ഫുള്‍ ആക്കാനുള്ള ഒരുക്കങ്ങളും മാര്‍ഗങ്ങളും.
സാമ്പത്തിക ശേഷിയ്ക്കനുസരിച്ച് ഇവയൊക്കെ ഒറയ്‌ക്കോ കൂട്ടമായോ നടത്തുന്നവരുടെ എണ്ണം കൂടിവരികയാണ്.
ഇത് സെല്‍ഫികളായും വീഡിയോകളായും കാമറക്കണ്ണുകള്‍ ഒപ്പിയെടുക്കുന്നു. തുടര്‍ന്ന് വാട്‌സ്ആപ്പ് സ്റ്റാറ്റസായി, ഇന്‍സ്റ്റാഗ്രാം പോസ്റ്റായി, ടിക് ടോക് വിഡിയോ ആയി അങ്ങനെ ന്യൂജന്‍ ജ്വരം പടര്‍ന്ന് മലയാളി സിരകളിലേക്ക് സന്നിവേശിക്കുകയാണ്. മലയാളി മാറുകയാണ് ഈ വൈറലിലേക്ക്.