കോഴിക്കോട്: അതിശൈത്യ കാലാവസ്ഥയില്‍ തെരുവില്‍ അന്തിയുറങ്ങുന്നവര്‍ക്കു സ്‌നേഹപ്പുതപ്പുമായി എം.എസ്.എഫ്.
കോഴിക്കോട് നഗരത്തിലെ തെരുവില്‍ അന്തിയുറങ്ങുന്ന പിഞ്ചോമനകള്‍ക്ക് ഇനിയീ കമ്പിളിയുടെ ഇളംചൂടില്‍ സുഖമായുറങ്ങാം. ഇന്നലെ ജില്ലാ എം.എസ്.എഫ് കമ്മിറ്റിയുടെ നേതൃത്വത്തിലാണു പുതപ്പുകള്‍ വിതരണം ചെയ്തത്. മുസ്‌ലിം യൂത്ത് ലീഗ് സംസ്ഥാന സെക്രട്ടറി പി.ജി മുഹമ്മദ് വിതരണോദ്ഘാടനം നിര്‍വഹിച്ചു. ജില്ലാ പ്രസിഡന്റ് ലത്തീഫ് തുറയൂര്‍, ജനറല്‍ സെക്രട്ടറി അഫ്‌നാസ് ചോറോട്, ട്രഷറര്‍ കെ.പി സൈഫുദ്ദീന്‍, സ്വാഹിബ് മുഹമ്മദ്, സാബിത് മായനാട്, നൂറുദ്ദീന്‍ ചെറുവറ്റ, അനീസ് തോട്ടുങ്ങല്‍, ഷമീര്‍ പാഴൂര്‍, പി.പി നുഹ്മാന്‍ സാജു റഹ്മാന്‍, നവാസ് പുത്തലത്ത്, എന്‍.പി ഷാഫി, കെ.പി യാസിര്‍, ഫസ്‌റു റാഷിദ് നേതൃത്വം നല്‍കി. എം.എസ്.എഫിന്റെ മുഴുവന്‍ കീഴ്ഘടകങ്ങളും ഇത്തരം സാന്ത്വന പരിചരണ ജീവകാരുണ്യ മേഖലകളില്‍ ശ്രദ്ധ ചെലുത്തണമെന്ന് ജില്ലാ പ്രസിഡന്റും ജനറല്‍ സെക്രട്ടറിയും അഭ്യര്‍ഥിച്ചു.