കോഴിക്കോട്: സൈനുല്‍ ആബിദീന്‍ സഫാരിയെ സുപ്രഭാതം വൈസ് ചെയര്‍മാനായി തെരഞ്ഞെടുത്തു. സുപ്രഭാതത്തിന്റെ തുടക്കം മുതല്‍ ഡയറക്ടറാണ് കണ്ണൂര്‍ ജില്ലയിലെ മേക്കുന്ന് സ്വദേശിയായ സൈനുല്‍ ആബിദീന്‍ സഫാരി. ഖത്തര്‍, യു.എ.ഇ എന്നിവിടങ്ങളില്‍ പ്രവര്‍ത്തിക്കുന്ന സഫാരി ഗ്രൂപ്പ് മാനേജിംഗ് ഡയറക്ടര്‍, തലശേരി സി.എച്ച് സെന്റര്‍ ചെയര്‍മാന്‍ എന്നീ സ്ഥാനങ്ങളും വഹിക്കുന്നു. ഖത്തര്‍ ഇസ്‌ലാമിക് സെന്റര്‍ സ്ഥാപകനും രക്ഷാധികാരിയുമാണ്. സമസ്ത കേരള ജംഇയ്യത്തുല്‍ ഉലമ പ്രസിഡണ്ട് സയ്യിദ് മുഹമ്മദ് ജിഫ്രി മുത്തുക്കോയ തങ്ങളാണ് സുപ്രഭാതത്തിന്റെ ചെയര്‍മാന്‍.